Tbilisidə Aİ səfirliyi qarşısında qadınların etiraz aksiyası keçirilir

Tbilisidə Avropa İttifaqının səfirliyi qarşısında qadınların etiraz aksiyası davam edir.

InterPress.ge xəbər verir ki, aksiya iştirakçıları əraziyə müxtəlif məzmunlu plakatlar, eləcə də Gürcüstan və Avropa İttifaqının bayraqlarını gətiriblər.

Onların bildirdiyinə görə, bu aksiyanı keçirməklə etirazlar zamanı saxlanılan şəxslərlə həmrəylik nümayiş etdirir, eyni zamanda ölkədə mövcud olan siyasi vəziyyətə etiraz edirlər.

Aksiya iştirakçıları daha sonra yürüş edərək Filarmoniyaya doğru hərəkət edəcəklər və orada digər etirazçılara qoşulacaqlar. Daha sonra isə birlikdə Rustaveli prospektində, parlament binası qarşısına keçməyi planlaşdırırlar.