Tbilisidə bir neçə fəal saxlanılıb

Tbilisinin Rustaveli prospektində bir neçə fəalın saxlanıldığı bildirilir.

InterPress.ge xəbər verir ki,bu barədə fəalların yaxınları sosial şəbəkədə paylaşım edib.

Sosial şəbəkələrdə yayılan məlumata görə, hüquq-mühafizə orqanları əvvəlcə fəal Nene Qablayanı saxlayıblar.

Hadisənin səbəbi hələlik açıqlanmır. Qablayanın saxlanılma anını əks etdirən görüntülər də dostları tərəfindən sosial şəbəkələrdə paylaşılıb.

Bundan əlavə, polis “Axali” partiyasının üzvü Nodar Çaçanidzeni və fəal Açi Qoçitaşvilini də saxlayıb. Onların saxlanılmasının səbəbi barədə də məlumat verilmir.

Fəalların tərəfdarları baş verənlərlə bağlı əlavə izahat tələb edir və bildirirlər ki, saxlanılmalar Rustaveli prospektində baş verib.