AİHM “Qavrilov gecəsi” işi üzrə Gürcüstan dövlətini kompensasiya ödəməyə məcbur etdi

Avropa İnsan Hüquqları Məhkəməsi (AİHM) “Qavrilov gecəsi” işi ilə bağlı çıxardığı qərarla Gürcüstan dövlətinə kompensasiya ödənilməsi öhdəliyi qoyub.

InterPress.ge xəbər verir ki, strasburq məhkəməsinin “Tsava və digərləri Gürcüstan əleyhinə” işi üzrə qərarına əsasən, dövlət iki müraciətçiyə maddi ziyanın ödənilməsi məqsədilə 75 min avro, daha iki nəfərə isə 85 min avro ödəməlidir.

Qərarda qeyd olunur ki, Gürcüstan bütün şikayətçilərə qeyri-maddi ziyana görə müxtəlif məbləğlərdə kompensasiya ödəməlidir.

Bununla yanaşı, dövlət 22 müraciətçiyə məsrəflərin ödənilməsi üçün 38 414,99 avro təzminat verməlidir.

Kompensasiyanın ödənilməsi qərarın elan edilməsindən sonra üç ay ərzində həyata keçirilməlidir.