Təhsil Nazirliyi: “Abituriyentlərin yalnız bir təhsil proqramını seçəcəyi barədə məlumatlar doğru deyil”

"Gələn ildən abituriyentlərin milli imtahanlara qeydiyyat zamanı yalnız bir təhsil proqramı seçə biləcəkləri ilə bağlı  məlumat həqiqətə uyğun deyil."

InterPress.ge xəbər verir ki, bu barədə Təhsil Nazirliyi yayılan iddialara cavab olaraq bildirib.

“Abituriyentlərin seçim azadlığı məhdudlaşdırılmayacaq. Onlar siyahıda həm dövlət, həm də özəl universitetlərin təklif etdiyi bir neçə təhsil proqramını göstərmək imkanına sahib olacaqlar.”- Nazirliyin açıqlamasında qeyd olunur:

Qurum əlavə edib ki, yayılan yanlış məlumatlar əsassızdır və abituriyentlərin seçim hüququ tam şəkildə qorunacaq.