Kardenaxi kəndində bıçaqlanma: qəsdən adam öldürməyə cəhd edən şəxs saxlanılıb

İstintaq nəticəsində müəyyən edilib ki, 27 noyabr tarixində Qurcaani bələdiyyəsinin Kardenax kəndində baş verən mübahisə zamanı təqsirləndirilən şəxs qarşı tərəfi öldürmək məqsədi ilə bıçaqla döş qəfəsindən yaralayıb və hadisə yerindən qaçıb.

InterPress.ge xəbər verir ki, bu barədə Daxili İşlər Nazirliyi məlumat yayıb.

Zərərçəkmişə operativ tibbi yardım göstərildiyi üçün onun həyatını xilas etmək mümkün olub.

Şübhəli şəxsə qarşı Gürcüstan Cinayət Məcəlləsinin 19.108-ci maddəsi (qəsdən adam öldürməyə cəhd) ilə ittiham irəli sürülüb. Maddə 15 ilədək azadlıqdan məhrumetmə cəzasını nəzərdə tutur.

Prokurorluq təqsirləndirilən şəxs barəsində həbs qətimkan tədbirinin seçilməsi üçün artıq məhkəməyə müraciət edib.