Gürcüstanda dəhşətli qəza baş verdi - ölənlər və yaralananlar var

Tbilisi-Senaki Leselidze magistral yolunun Qori hissəsində baş verən avtomobil qəzası nəticəsində iki gənc yerindəcə öldü. İki nəfər ağır bədən xəsarətləri ilə xəstəxanalara aparılıb.

InterPress.ge xəbər verir ki, Nissan markalı avtomobil magistral yolda hərəkət edən TIR ilə toqquşub.

Daxili İşlər Nazirliyinin Patrul Polisi Şida Kartli şöbəsinin əməkdaşları və Xilasetmə Xidmətinin əməkdaşları hadisə yerində işləyirlər.

Qəza ilə əlaqədar qərb Gürcüstandan Tbilisiyə gedən magistral yolun qeyd olunan hissəsində nəqliyyatın hərəkətində əngəl yaranıb. Patrul polisi magistral yolda hərəkət edən sürücüləri dolama yoldan istifadə etməyə çağırır.