Polis odlu silah və narkotik bitki yetişdirmə faktı üzrə 3 nəfəri saxlayıb
Sameqrelo–Zemo Svaneti Polis Departamenti odlu silahların və döyüş sursatlarının qanunsuz əldə edilməsi və saxlanması, eləcə də narkotik tərkibli bitkinin qanunsuz əkilib-becərilməsi ittihamı ilə 3 nəfəri saxlayıb.
InterPress.ge xəbər verir ki, bu barədə məlumatı Gürcüstan Daxili İşlər Nazirliyi yayıb.
Nazirliyin məlumatına görə, saxlanılanlar – 1974-cü il təvəllüdlü A.K., 1990-cı il təvəllüdlü B.Q. və əvvəllər məhkum olunmuş, 1983-cü il təvəllüdlü G.F. – barəsində başlanmış iş çərçivəsində aparılan axtarışlar zamanı müxtəlif növ odlu silahlar maddi sübut kimi götürülüb.
İstintaq zamanı A.K.-nin yaşadığı ünvanda narkotik tərkibli bitkilərin yetişdirilməsi üçün xüsusi istixana və “marixuana” da aşkar edilərək götürülüb.
Hüquq-mühafizə orqanları bildirir ki, qeyd olunan əməllər 7 ilədək azadlıqdan məhrumetmə cəzası nəzərdə tutur.
Faktla bağlı istintaq Cinayət Məcəlləsinin 236-cı, 260-cı və 265-ci prim maddələri üzrə davam edir.
