Azyaşlıya qarşı zorakılıq edən dayə saxlanıldı

Gürcüstan Prokurorluğu azyaşlıya qarşı zorakılıq faktı ilə bağlı dayəyə qarşı rəsmi ittiham irəli sürüb.

InterPress.ge xəbər verir ki, bu barədə qurumun yaydığı məlumatda bildirilir.

İstintaqın Daxili İşlər Nazirliyi tərəfindən aparılan araşdırmaları nəticəsində müəyyən edilib ki, 11 noyabrda Tbilisidə dayə 1 yaş 6 aylıq uşağa fiziki zor tətbiq edib.

Saxlanılan şəxsə Cinayət Məcəlləsinin 126-cı maddəsinin birinci prim hissəsinin “a” bəndi (azyaşlıya qarşı fiziki ağrıya səbəb olan döymə) ilə ittiham təqdim edilib. Bu maddə iki ilədək azadlıqdan məhrumetmə cəzası nəzərdə tutur.

Prokurorluğun təqdimatı əsasında məhkəmə artıq şübhəli şəxsin barəsində həbs qətimkan tədbiri seçib.