15 yaşlı yeniyetməyə qarşı qrup halında zorakılıq və quldurluq törətmiş iki nəfər saxlanılıb

Kobuletidə 15 yaşlı yeniyetməyə qarşı qrup halında zorakılıq və quldurluq törətməkdə şübhəli bilinən iki nəfər saxlanılıb.

InterPress.ge xəbər verir ki, bu barədə məlumatı Daxili İşlər Nazirliyi yayıb.

Nazirliyin açıqlamasına görə, Rusiya Federasiyası vətəndaşı olan 2010-cu il təvəllüdlü yeniyetməyə zor tətbiq olunub, onun əl çantası quldurluq yolu ilə qəsb edilib, daha sonra isə bıçaqla bədəninə xəsarətlər yetirilib.

Törədilmiş cinayətlər 9 ilədək azadlıqdan məhrumetmə cəzasını nəzərdə tutur.

DİN-in məlumatına görə, Acarıstan Polis Departamentinin Kobuleti Rayon Şöbəsinin əməkdaşları tərəfindən keçmişdə məhkum olunmuş iki nəfər – 1986-cı il təvəllüdlü G.M. və 1990-cı il təvəllüdlü G.X. saxlanılıb.

İstintaq müəyyən edib ki, saxlanılan şəxslər Kobuleti ərazisində 2010-cu il təvəllüdlü V.S.-nin əl çantasını zor tətbiq etməklə qəsb ediblər. Yeniyetmə müqavimət göstərərək çantasını geri almağa nail olub, bu zaman şübhəlilər ona yenidən zor tətbiq ediblər. Həmçinin, G.M. yeniyetməyə bıçaqla bədən xəsarətləri yetirib, daha sonra hər iki şəxs hadisə yerindən qaçıb.

Yaralı yeniyetmə xəstəxanaya yerləşdirilib və ona tibbi yardım göstərilib.

Polis hər iki şəxsi günahlandırılan şəxs qismində saxlayıb.

Faktla bağlı istintaq Cinayət Məcəlləsinin 126-prima maddəsinin birinci hissəsi və 179-cu maddə ilə davam edir.