Azyaşlı qızın təcavüzü ilə bağlı bir nəfər saxlanıldı - VİDEO

Acarada azyaşlını öncədən düşünülmüş niyyətlə zorlamada təqsirləndirilən bir nəfər saxlanılıb.

InterPress.ge xəbər verir ki, bu barədə Daxili İşlər Nazirliyi məlumat yayıb. 

Nazirliyin Acaranın Polis Departamentinin yetkinlik yaşına çatmayanlarla iş üzrə idarəsinin əməkdaşları tərəfindən keçirilmiş əməliyyat və istintaq tədbirləri nəticəsində 1995-ci il təvəllüdlü, əvvəllər məhkum olunmuş G.T. cinayət başa çatdıqdan qısa müddət sonra tutulub.

İstintaq müəyyən edib ki, təqsirləndirilən şəxs azyaşlı qız uşağına qarşı seksual xarakterli zorakılıq törədib.

Cinayət işi Gürcüstan Cinayət Məcəlləsinin 137-ci maddəsinin 4-cü bəndi ilə aparılır. Bu maddə 20 ilədək və ya ömürlük azadlıqdan məhrumetmə cəzası nəzərdə tutur.