Qonşu ölkədə baş verən zəlzələ Gürcüstanda da hiss olundu

2 noyabr tarixində, Ermənistan ərazisində, Gürcüstan sərhədinə cəmi 6 kilometr məsafədə zəlzələ qeydə alınıb.

InterPress.ge xəbər verir ki, məlumatı Yerin Tədqiqi Elmləri İnstitutu və Seysmik Monitorinqin Milli Mərkəzi yayıb.

Rəsmi göstəricilərə görə, zəlzələnin gücü 4,7 bal olub, yeraltı təkanlar Tbilisi vaxtı ilə saat 19:49-da baş verib.

Sosial şəbəkə istifadəçilərinin məlumatına görə, zəlzələ Gürcüstanın bir sıra bölgələrində, o cümlədən Tbilisidə də hiss olunub.