Tramp: “Qəzzadakı ABŞ-dəstəklənən atəşkəsə heç bir təhlükə yoxdur”

ABŞ prezidenti Donald Tramp bildirib ki, Qəzzada ABŞ-ın dəstəyi ilə əldə olunmuş atəşkəs razılaşmasına təhlükə yaranmayıb.

InterPress.ge xəbər verir ki, Tramp jurnalistlərə açıqlamasında deyib:

“Eşitdiyimə görə, bir israilli əsgər öldürülüb. Buna görə israillilər cavab zərbəsi endiriblər və bunu etməlidirlər də. Bu baş verdikdə cavab verməli olacaqlar. Atəşkəsi heç nə təhlükə altına qoymur. ‘Hamas’ Yaxın Şərqdə sülhün çox kiçik hissəsidir və yaxşı davranmağa məcburdur.”

ABŞ prezidentinin bu açıqlaması İsrailin Qəzzaya endirdiyi zərbələrdən sonra səsləndirilib. Yerli hakimiyyət orqanlarının məlumatına görə, hava hücumları nəticəsində 26 nəfər həlak olub.

Tərəflər bir-birini zorakılıqda və atəşkəsin pozulmasında ittiham etməyə davam edirlər.