Tbilisidə “Sonadək, qələbəyədək!” adlı etiraz yürüşü keçiriləcək

Tbilisidə bu gün “Sonadək, qələbəyədək!” şüarı altında etiraz yürüşü təşkil olunacaq.

InterPress.ge xəbər verir ki, təşkilatçıların məlumatına görə, yürüş saat 19:00-da Respublika meydanından başlayacaq.

Aksiya iştirakçıları parlament binasına qədər yürüyəcəklər. Qeyd edək ki, parlament qarşısında artıq 333 gündür davamlı etiraz aksiyaları keçirilir.

Etirazçılar hakim “Gürcü Arzusu” partiyasının siyasətinə qarşı çıxır, yeni parlament seçkilərinin təyin olunmasını və aksiyalar zamanı saxlanılan şəxslərin azadlığa buraxılmasını tələb edirlər.