XİN vətəndaşları İrana səfər etməməyə çağırıb

Gürcüstan hökuməti vətəndaşları İranda koronavirusun yayılması səbəbindən bu ölkəyə səfər etməməyə çağırıb.

InterPress.ge xəbər verir ki, bu barədə Gürcüstanın Xarici İşlər Nazirliyinin (XİN) yaydığı məlumatda bildirilib.

Xəbərdarlıqda Gürcüstan vətəndaşlarına İrana səfər etməkdən çəkinmək tövsiyə olunub.

XİN İranda olan Gürcüstan vətəndaşlarını ehtiyac yaranacağı təqdirdə ölkənin Tehrandakı səfirliyinin “qaynar xətti” ilə əlaqə saxlamağa çağırıb.

Qeyd edək ki, İranda koronavirusdan 6 nəfər ölüb, yoluxanların sayı isə 28-ə çatıb.(report)