Bu tarixdə güclü yağış gözlənilir- PROQNOZ

20 oktyabr tarixində Qərbi Gürcüstan ərazisində yağışlı hava müşahidə olunacaq, bəzi yerlərdə yağışların intensivləşməsi, eləcə də ildırım və küləyin güclənməsi mümkündür.

InterPress.ge xəbər verir ki, bu barədə Gürcüstanın Ətraf Mühit Milli Agentliyi məlumat yayıb. 

Qurumun açıqlamasında qeyd olunur ki, gözlənilən yağıntılar nəticəsində kiçik çaylarda su səviyyəsinin qalxması, həmçinin dağlıq və təpəlik ərazilərdə sürüşmə və sel riskinin yaranması istisna edilmir.

“Mövcud meteoroloji şərait nəticəsində Qərbi Gürcüstanın kiçik çaylarında daşqınlar, dağlıq və təpəlik zonalarda isə torpaq sürüşməsi və sel hadisələrinin yaranması mümkündür. (Təhlükə səviyyəsi – aşağı),” – deyə agentliyin məlumatında bildirilir.