2025-ci ildə Gürcüstana ən çox ziyarətçi Rusiyadan gəlib – TOP-15 ölkə açıqlanıb

Bu ilin ilk üç rübü ərzində Gürcüstana ümumilikdə 6,1 milyon beynəlxalq səfər həyata keçirilib.

InterPress.ge xəbər verir ki, rəqəmlərə əsasən, ən çox ziyarətçi Rusiya Federasiyasından gəlib – 1 245 744 səfər.

Gürcüstanın Turizm Milli Administrasiyasının dərc etdiyi statistikaya görə, ölkəyə ən çox səfər edən 15 ölkənin siyahısı belədir:

• Rusiya – 1 245 744

• Türkiyə – 963 633

• Ermənistan – 720 114

• İsrail – 293 699

• Azərbaycan – 220 168

• Qazaxıstan – 139 246

• Belarus – 127 265

• Hindistan – 103 968

• Ukrayna – 101 930

• Çin – 96 333

• İran – 96 305

• Səudiyyə Ərəbistanı – 84 384

• Almaniya – 65 968

• Polşa – 64 210

• Özbəkistan – 61 949

Məlumata görə, siyahıdakı ölkələr arasında ən yüksək artım göstəricisi Çin üzrə qeydə alınıb – 44,9% (29 848 səfər artım).

Buna qarşı, İrandan gələn səfərlərin sayı əhəmiyyətli dərəcədə azalıb – ötən illə müqayisədə 20,3%, yəni 24 535 səfər az baş tutub.

Turizm administrasiyasının məlumatına əsasən, artım və azalma tendensiyaları regional iqtisadi, siyasi və nəqliyyat amilləri ilə əlaqələndirilir.