12 avtomobili soyan şəxs saxlanıldı

Tbilisi Polis Departamentinin Vake-Saburtalo Baş İdarəsinin əməkdaşları həyata keçirdikləri əməliyyat-axtarış və istintaq tədbirləri nəticəsində 2006-cı il təvəllüdlü C.Q.-nu oğurluq ittihamı ilə saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

Nazirliyin məlumatında qeyd olunur ki, cinayət 5 ilədək azadlıqdan məhrumetmə cəzasını nəzərdə tutur.

İstintaqla müəyyən edilib ki, 13 oktyabr gecəsi C.Q. Saburtalo rayonunda 12 avtomobilin şüşəsini sındıraraq onların içərisində olan əşyaları oğurlayıb.

Hüquq-mühafizə orqanları tərəfindən həyata keçirilmiş istintaq tədbirləri nəticəsində şübhəli şəxs saxlanılıb. Onun ifadəsinə əsasən, C.Q. 8 oktyabrda Afrikan məhəlləsində törədilmiş başqa bir oğurluq hadisəsini də etiraf edib.

Polis oğurlanmış əşyaların bir hissəsini maddi sübut kimi ələ keçirib.

Hadisə ilə bağlı istintaq Gürcüstan Cinayət Məcəlləsinin 177-ci maddəsi (oğurluq) üzrə aparılır.