Tbilisidə vəziyyət gərginləşdi, xəsarət alanlar var

Orbeliani meydanında etirazçılarla polis qüvvələri arasında fiziki qarşıdurma yaşanır.

InterPress.ge xəbər verir ki, xüsusi təyinatlıların nümayəndələri etirazçılara qarşı bibər qazından istifadə edirlər, həmçinin hadisə yerində su şırnaqlarından və qaz balonlarından da istifadə olunub.

Hadisə yerində xəsarət alanlar var, təcili tibbi yardım həkimləri onlara ilkin tibbi yardım göstərirlər.

Etirazçılar prezident sarayının yaxınlığındakı hasardan keçərək administrasiyanın darvazasını sökdükdən sonra ərazidə vəziyyət gərginləşib.