Saat 10:00-a olan seçici aktivliyi açıqlandı

Saat 10:00-a olan məlumata görə, seçici fəallığı 7,85% təşkil edir – ən yüksək aktivlik Raça-Leçxumi bölgəsindədir.

InterPress.ge xəbər verir ki, bu barədə Mərkəzi Seçki Komissiyasının (MSK) mətbuat katibi Natiya İoseliani brifinqdə məlumat verib.

Onun sözlərinə görə, bu saata qədər səsvermə prosesi ölkə üzrə sakit şəraitdə davam edir.

“Seçki administrasiyası seçiciləri və seçki prosesində iştirak edən tərəfləri səsvermə gününün gedişi barədə məlumatlandırmağa davam edir. Hazırda səsvermə məntəqələrində proses sakit şəkildə keçirilir. Saat 10:00-a olan məlumata görə, seçici fəallığı 275 948 nəfərdir, bu da ümumi seçicilərin 7,85 faizini təşkil edir. Ən yüksək aktivlik Raça-Leçxum bölgəsində qeydə alınıb,” – deyə İoseliani bildirib.

O qeyd edib ki, səhhətinə görə səsvermə məntəqəsinə gələ bilməyən seçicilər üçün daşınan qutular artıq məntəqələrdən çıxarılıb:

“Daşınan qutu ilə səs verən seçicilər də xüsusi nişanlanmadan (markirovkadan) keçirlər.”

İoselianinin sözlərinə görə, seçki qanunvericiliyinə əsasən, bu gün təşviqat aparmaq qadağandır:

“Səsvermə binasının içərisində təşviqat aparmaq, binanın girişindən 25 metr məsafədə təşviqat materialı yerləşdirmək qadağandır. Həmçinin, səsvermə günü seçicilərin hərəkətinə maneə yaratmaq və ya binadan 100 metr məsafədə seçici siyahısı aparmaq da yolverilməzdir.

Saat 20:00-a qədər televiziya və radioda ödənişli və ya pulsuz seçki reklamlarının, eləcə də seçki ilə bağlı ictimai rəy sorğularının nəticələrinin dərc olunması qadağandır,” – deyə MSK-nın mətbuat katibi əlavə edib.