ABŞ-da “Gürcü Arzusunun” hökumətinin tanınmaması ilə bağlı düzəliş irəli sürülüb

Amerikalı respublikaçı konqresmen Co Uilson ABŞ Dövlət Departamentinin səlahiyyət aktına “Gürcü kabusunun tanınmaması” adlı düzəliş təqdim edib.

InterPress.ge xəbər verir ki, bu barədə Uilson sosial şəbəkədə paylaşım edib.

“Çox minnətdaram ki, mənim ‘Gürcü kabusunun tanınmaması’ düzəlişim Dövlət Departamentinin səlahiyyət aktına daxil edilməsi üçün qəbul edildi”, – deyə Uilson yazıb.

Onun sözlərinə görə, “kommunist Çini, İranı və Rusiyanı qəbul etməklə yanaşı Amerikaya hörmətsizlik izoliyasiyaya aparan birtərəfli bilet deməkdir”.

Düzəlişin mətnində qeyd olunur ki, ABŞ-ın heç bir vəzifəli şəxsi “Gürcü Arzusunun” hökumətinin tanınmasına yönəlmiş hər hansı addım atmamalıdır.

“ABŞ-ın heç bir federal vəzifəli şəxsi və ya əməkdaşı hər hansı addım ata bilməz və heç bir federal vəsait ayrıla bilməz ki, bu, Gürcüstanda ‘Gürcü Arzusunun’ rəhbərliyi altında fəaliyyət göstərən hökumətin ABŞ tərəfindən tanınması kimi qəbul edilsin və ya dolayı şəkildə belə nəticə çıxarılsın”, – deyə düzəlişdə bildirilir.

Kyiv Post qəzetinin Vaşinqton müxbiri Aleks Raufoğlu sosial şəbəkədə yazıb ki, Nümayəndələr Palatasının Xarici Əlaqələr Komitəsi Dövlət Departamentinin səlahiyyət aktı çərçivəsində Gürcüstanda anti-amerikan “Rus Arzusu” rejiminin tanınmasını qanunsuz elan edən formulu təsdiqləyib. Düzəlişin qüvvəyə minməsi üçün onu həm Nümayəndələr Palatası, həm də Senat təsdiqləməlidir.