Yanvar- iyun aylarında Gürcüstanda doğulanların sayı ölənlərin sayından az olub

2025-ci ilin yanvar–iyun aylarında ölkədə 17 719 uşaq doğulub, 22 718 nəfər isə vəfat edib.

InterPress.ge xəbər verir ki, bh barədə Gürcüstan Milli Statistika Xidməti (“Sakstat”) məlumat yayıb.

Rəqəmlərə əsasən, ilin ilk yarısında təbii artım mənfi olub – yəni doğulanların və ölənlərin sayı arasındakı fərq -4 999 nəfər təşkil edib.

Məlumatda bildirilir ki, təbii artımın müsbət göstəricisi yalnız Tbilisidə (+406 nəfər) və Acarıstan Muxtar Respublikasında (+296 nəfər) qeydə alınıb.

Hesabat dövründə ölkədə həmçinin 9 925 nikah və 6 456 boşanma rəsmiləşdirilib.