Kobaxidze: Çinlə tərəfdaşlığın daha da dərinləşdirilməsi üçün konkret addımlar atılacaq

"Çində Şanxay Əməkdaşlıq Təşkilatının sammiti keçirilir və bu sammit çərçivəsində konkret ölkələrin liderləri Çindədirlər və eyni zamanda paradda iştirak edirlər. Konkret ölkələrin liderlərinin bu tədbirə qatılmasının səbəbi bu idi".

InterPress.ge xəbər verir ki, bu barədə Gürcüstanın baş naziri İrakli Kobaxidze jurnalistlərə bildirib.

Hökumət başçısının sözlərinə görə, insanlar bu mövzuda spekulyasiya edir, Çinlə əməkdaşlığın az qala vətənə xəyanət olduğunu iddia edirlər.

"Müxalif qüvvəmizin hansı dəyər və prinsiplər əsasında fəaliyyət göstərdiyi tamamilə aydındır. Gürcüstan-Çin tərəfdaşlığına gəlincə, bizi strateji tərəfdaşlıq bağlayır. Bu, bizim üçün çox qiymətli və vacibdir və buna uyğun olaraq, həm siyasi, həm də iqtisadi baxımdan Gürcüstan və Çin arasında tərəfdaşlığın daha da dərinləşdirilməsi üçün konkret addımlar atılacaq. Gürcüstan və Çin arasında tərəfdaşlığın daha da dərinləşdirilməsi üçün çox şey edəcəyəm".