ABŞ səfirliyi: Ermənistan və Azərbaycan arasında tarixi sülh müqaviləsi yeni dövrün başlanğıcıdır

ABŞ-ın Gürcüstandakı səfirliyi Ermənistan və Azərbaycan arasında tarixi sülh müqaviləsinin imzalanmasını alqışlayıb.

Səfirliyin açıqlamasında bildirilir ki, Prezident Donald Tramp tərəfləri bir masa arxasında toplayaraq onilliklər davam edən münaqişəni bitirən razılaşmaya vasitəçilik edib.

“Bu, hər iki ölkə üçün irəliləmək və Cənubi Qafqaz regionunun iqtisadi potensialını reallaşdırmaq üçün bir fürsətdir. Nəticədə ticarət razılaşmaları və rifah həm amerikalılar, həm də erməni və azərbaycanlı xalqlar üçün fayda gətirəcək. Hər iki ölkəni sülhün yeni dövrünün başlanması münasibətilə təbrik edirik,” – səfirliyin bəyanatında qeyd olunub.