Maria Zaxarova: “Tbilisi Cənubi Osetiyaya qarşı təcavüz faktını tanıdığı təqdirdə dialoq irəliləyə bilər”

Rusiya Xarici İşlər Nazirliyinin sözçüsü Mariya Zaxarova bildirib ki, Gürcüstanın Abxaziya və Cənubi Osetiya ilə dialoqu yalnız Tbilisinin Cənubi Osetiyaya qarşı təcavüz faktını tanıması fonunda irəliləyə bilər.

Onun sözlərinə görə, Gürcüstan hakimiyyətinin yol verdiyi səhvləri və keçmişdəki təcavüzkar hərəkətləri etiraf etməsi barışıq üçün zəruri şərtdir.

“Əgər Gürcüstan rəhbərliyi, son bir il ərzində, sabiq prezident Mixeil Saakaşvilinin Cənubi Osetiyaya qarşı həyata keçirdiyi aqressiyanı açıq şəkildə tanıyıbsa və həmçinin abxaz və osetinlərlə barışığın vacibliyini bəyan edibsə, bu fonda danışıqların irəliləməsi ehtimalı mövcuddur. Əsas məsələ odur ki, bu bəyanatlar Suxumi və Tsxinvali ilə münasibətlərin bərpasına dair Tbilisinin yanaşmalarında həlledici rol oynasın və praktiki addımlara çevrilsin”, – deyə Zaxarova 2008-ci il avqust müharibəsinə münasibət bildirərkən vurğulayıb.

O əlavə edib ki, Gürcüstan tərəfindən Abxaziya və Çxinvali bölgəsinə qarşı güc tətbiqindən imtina ilə bağlı hüquqi cəhətdən məcburi olan sənədin imzalanması danışıqların əsas prioritetlərindən biri olaraq qalır. Zaxarova Rusiyanın bu prosesə dəstək verməyə hazır olduğunu da qeyd edib.