Paatə Burçuladze: “4 oktyabr Bidzina İvanişvilinin sülh yolu ilə devrilməsi günü elan olunur”

Dünyaca məşhur opera ifaçısı Paatə Burçuladze 4 oktyabr saat 16:00-da Tbilisidəki Respublika meydanında “Milli Qurultay” keçiriləcəyini elan edib.

InterPress.ge xəbər verir ki, bu barədə o, hökumət administrasiyası qarşısında ictimaiyyətə tanınmış şəxslərlə birgə çıxışı zamanı bəyanat verib.

Burçuladzenin sözlərinə görə, 4 oktyabr yalnız etiraz günü deyil, “tarixi qələbə” günü olacaq:

“Bu müraciətin ünvanı heç bir siyasi partiya və ya siyasətçi deyil. Ona görə də xalqıma – Gürcü xalqına müraciət edirəm. 4 oktyabr saat 16:00-da Respublika meydanında yığışırıq, milli qurultay keçiririk, rejimin zəbt etdiyi ölkəni geri alırıq və Gürcüstanın azadlığına səs veririk. İvanişviliyə qanunsuz şəkildə ələ keçirdiyi hakimiyyəti əlindən almalı və onu xalqımıza qaytarmalıyıq. 4 oktyabr təkcə etiraz günü deyil – bu, tarixi qələbə günü olacaq. Buna görə də bu gün İvanişvilinin sülh yolu ilə devrilməsi günü elan olunur. Hazır ol, Gürcüstan – mübarizə sonadək davam edəcək!”

Təşkilatçılar aksiyanın dinc və ümumxalq səviyyəsində keçirilməsi üçün hazırlıqlara başladığını bildiriblər.