Tina Bokuçava: “Vahid Milli Hərəkat” DTX tərəfindən hədəf alınan ən güclü və dürüst siyasi qüvvədir

Partiyamız İvanişvilinin rejiminə qarşı mübarizə aparan ən güclü və ən doğru siyasi qüvvə olaraq – Dövlət Təhlükəsizlik Xidmətinin (DTX) daimi hədəfi olub, belə də qalacaq.

InterPress.ge xəbər verir ki, bu barədə “Vahid Milli Hərəkat”ın sədri Tina Bokuçava brifinqdə bildirib.

Bokuçavanın sözlərinə görə, DTX -nin fəallığının artması partiyanın son aylarda reytinqinin yüksəlməsi ilə bağlıdır:

“Partiyada DTX-nin müdaxilə cəhdləri haqqında keçmiş prezident Mixeil Saakaşvili hələ bir neçə ay əvvəl danışmışdı. Tam məsuliyyətlə bildirirəm ki, mən, partiyanın sədri olaraq, DTX- nin ‘Vahid Milli Hərəkat’a qarşı süni filtrasiya və diskreditasiya cəhdlərinə yol verməyəcəyəm.”

O qeyd edib ki, partiya öz keçmişini düzgün dəyərləndirərək yalnız Avropaya inteqrasiya yönündə gələcəyə baxır:

“‘Vahid Milli Hərəkat’ bir siyasi qüvvə olaraq formalaşıb və yalnız sabaha – parlaq, Avropa gələcəyinə doğru baxır. Bu yolda ən böyük töhfə partiyanın gənclər təşkilatına – mübariz, dürüst və ləyaqətli nüvəsinə aiddir.”

Bokuçava bildirib ki, DTX- nin fəallığı məhz partiyanın son aylarda artan ictimai dəstəyi ilə bağlıdır.