DİN keçmiş deputatın saxlanılması ilə bağlı rəsmi məlumat yaydı

Acarıstan Polis Departamentinin Kobuleti Rayon Şöbəsinin əməkdaşları tərəfindən həyata keçirilmiş operativ tədbirlər nəticəsində 1972-ci il təvəllüdlü E.K. ailədaxili zorakılıq və qoruyucu orderin şərtlərinin pozulması ittihamı ilə saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin açıqlamasına görə, Acarıstan Polis Departamentinin Kobuleti Rayon Şöbəsinin əməkdaşları tərəfindən həyata keçirilmiş operativ tədbirlər nəticəsində 1972-ci il təvəllüdlü E.K. ailədaxili zorakılıq və qoruyucu orderin şərtlərinin pozulması ittihamı ilə saxlanılıb.

İstintaqla müəyyən olunub ki, saxlanılan şəxs barəsində məhkəmənin çıxardığı qoruyucu orderə baxmayaraq, keçmiş həyat yoldaşı ilə əlaqə saxlayıb və ona fiziki zor tətbiq edib.

Hadisə ilə bağlı istintaq Gürcüstan Cinayət Məcəlləsinin:

126¹-ci maddəsi – ailədaxili zorakılıq

381¹-ci maddəsi – məhkəmə qərarı ilə müəyyən olunmuş tələblərin pozulması
üzrə aparılır. Bu cinayətlərə görə təqsirləndirilən şəxs 2 ilədək azadlıqdan məhrum edilə bilər.