Azərbaycanın xarici işlər naziri Gürcüstana rəsmi səfər edəcək

2025-ci il iyulun 22-də Azərbaycan Respublikasının xarici işlər naziri Ceyhun Bayramov rəsmi səfərlə Gürcüstana gələcək.

InterPress.ge xəbər verir ki, bu barədə Gürcüstan Xarici İşlər Nazirliyi məlumat yayıb.

Səfər çərçivəsində Ceyhun Bayramov Gürcüstanın xarici işlər naziri Maka Boçorişvili ilə görüşəcək.

Nazir həmçinin Gürcüstan prezidenti Mixeil Kavelashvili, baş nazir İrakli Kobaxidze və parlament sədri Şalva Papuaşvili ilə də görüşlər keçirəcək.

Rəsmi səfər proqramına uyğun olaraq, Ceyhun Bayramov Gürcüstanın birliyi uğrunda həlak olmuş qəhrəmanların memorialını əklillə yad edəcək, eləcə də Azərbaycanın ümummilli lideri Heydər Əliyevin abidəsini ziyarət edəcək.

Bundan əlavə, səfər ərəfəsində – 2025-ci il iyulun 21-də – Tbilisidə Gürcüstan və Azərbaycanın Xarici İşlər Nazirlikləri arasında nazir müavinləri səviyyəsində siyasi məsləhətləşmələrin növbəti raundu keçirilir.