Tinatin Bokuçava: “Bu, ümumi mübarizənin xəyanətidir – bu gün ‘Lelo’nun mənəvi ölümü baş verdi”

“Birlik – Milli Hərəkat” partiyasının sədri Tinatin Bokuçava sosial şəbəkədə paylaşdığı açıqlamada “Lelo – Güclü Gürcüstan”ın bələdiyyə seçkilərində iştirak qərarını kəskin şəkildə tənqid edib.

Bokuçavanın sözlərinə görə, “Lelo” mübarizə və müqavimət əvəzinə rejimlə kompromis və əməkdaşlığı seçib:

“Çox təəssüf doğurur. Son dərəcə. ‘Lelo’ mübarizə və müqavimət əvəzinə rejimlə kompromis və əməkdaşlığı seçdi. Hər şey öz adı ilə adlandırılmalıdır – bu, ümumi mübarizənin xəyanətidir; bu, ölkənin xilası uğrunda mübarizə deyil, rejimlə ‘şərəfli ikinci yer’ üçün sövdələşmədir.”

Bokuçava həmçinin iqtidara yaxın siyasətçi Mixeil Kavelaşvilinin “Lelo”nun liderlərini əfv etməsini də istisna etmədiyini bildirib:

“İstisna etmirəm ki, indi Mixeil Kavelaşvili özü də ‘Lelo’nun liderlərini əfv edəcək ki, sövdələşmişin mantiyasını tam üzərlərinə geyindirsin. Bu axı tanış rus taktikasıdır – əxlaqsız kompromisə məcbur etmək və sonra ən həyasız və amansız şəkildə ifşa etmək.”

O, “Lelo”nun seçkilərdə iştirak qərarını partiyanın mənəvi ölümü adlandırıb:

“Bu gün biz ‘Lelo’nun mənəvi ölümünü gördük. Siyasət əxlaqsız olmur. Ona görə də oktyabrda onların seçki məğlubiyyətini də görəcəyik.

Azadlıq siyasi məhbuslara!

Axırda yenə biz qalib gələcəyik!” – deyə Tinatin Bokuçava vurğulayıb.