Etirazçılar 4 iyulda etiraz marşı keçiriləcəyini elan etdi

Rustaveli prospektində toplaşan aksiya iştirakçıları 4 iyulda etiraz marşı keçirəcəklərini açıqlayıblar.

InterPress.ge xəbər verir ki, marş ABŞ-ın Müstəqillik Gününə həsr olunacaq.

Etirazçılar marşa Birinci Respublika meydanından başlayaraq ABŞ və Gürcüstan bayraqları ilə Gürcüstan parlamentinin qarşısına qədər yürüş edəcəklər.

“4 iyul saat 19:00-da ABŞ-ın Müstəqillik Gününə həsr olunmuş marş keçiriləcək. Birinci Respublika meydanından başlayıb parlamentə qədər gedəcəyik. ABŞ və Gürcüstan bayraqları ilə strateji tərəfdaşlığımızı bir daha vurğulayacaq və “Dostluq Aktının” qəbuluna dəstəyimizi ifadə edəcəyik”, – deyə aksiyanın təşkilatçılarından biri bildirib.