Hava şəraiti ilə bağlı Milli Ətraf Mühit Agentliyi xəbərdarlıq edir!

22 iyun axşam saatlarından başlayaraq 23 iyun günorta saatlarınadək gözlənilən hava şəraiti açıqlanıb. 

InterPress.ge xəbər verir ki, bu barədə Gürcüstanın Milli Ətraf Mühit Agentliyi məlumat yayıb. 

Məlumata görə, şərqi Gürcüstanın bəzi bölgələrində qısa müddətli, lakin intensiv yağış, şimşək, dolu və qərb istiqamətli küləyin güclənməsi ehtimal olunur.

Agentlik bildirir ki, gözlənilən yağıntılar nəticəsində şərqi Gürcüstanın kiçik çaylarında sel basmaları, eləcə də təpəlik və dağlıq ərazilərdə torpaq sürüşmələri və palçıq seli baş verə bilər. Bu riskin səviyyəsi "orta təhlükə" kimi qiymətləndirilir.