Los-Ancelesdə etiraz aksiyaları zamanı kütləvi həbslər həyata keçirilir

Los-Anceles Polis Departamentinin məlumatına görə, şəhərdə keçirilən etiraz aksiyalarının dağıdılması zamanı kütləvi həbslər başlayıb və onlarla nümayişçi saxlanılıb.

InterPress.ge xəbər verir ki, bu barədə CNN məlumat yayıb.

Polis Departamentinin açıqlamasına əsasən, son dörd gün ərzində keçirilən etiraz aksiyaları zamanı ümumilikdə azı 378 nəfər saxlanılıb.

Şəhərin mərkəzində, etiraz aksiyalarının baş verdiyi ərazilərdə komendant saatı tətbiq olunub.

Qeyd edək ki, ABŞ-ın İmmiqrasiya və Gömrük İcra Xidmətinin (ICE) keçirdiyi reydlərə etiraz olaraq Los-Ancelesdə başlayan aksiyalar artıq ölkənin digər iri şəhərlərinə də yayılıb. Etiraz aksiyaları Nyu-York, Çikaqo, Sietl, Denver, San-Fransisko, Atlanta və digər şəhərlərdə də keçirilir.

Xatırladaq ki, Los-Ancelesdə baş verən etirazlar zamanı polis və nümayişçilər arasında qarşıdurmalar qeydə alınıb. Hüquq-mühafizə orqanlarının məlumatına görə, şənbə günü 27, bazar günü 40, bazar ertəsi 114, çərşənbə axşamı isə 197 nəfər saxlanılıb. ABŞ Prezidenti Donald Tramp Los-Ancelesə 4000 nəfərlik Milli Qvardiya və dəniz piyadalarının göndərilməsi barədə qərar verib. Kaliforniya ştatının qubernatoru isə bu addımı ştatın suverenliyinin pozulması kimi qiymətləndirib.