Gürcüstanın ali təhsil diplomu artıq bu ölkədə də tanınacaq
Gürcüstan və Çin Xalq Respublikası arasında ali təhsili təsdiqləyən diplom və sertifikatların qarşılıqlı tanınması haqqında razılaşma qüvvəyə minib.
InterPress.ge xəbər verir ki, bu barədə məlumat 9 iyun tarixli hökumət qərarında yer alıb.
Sənədə əsasən, “Gürcüstanın Təhsil, Elm və Gənclər Nazirliyi ilə Çin Xalq Respublikasının Təhsil Nazirliyi arasında ali təhsil səviyyəsinin və diplom/sertifikatların qarşılıqlı tanınması haqqında” razılaşma artıq təsdiqlənib.
Qərarda, həmçinin, Gürcüstan Xarici İşlər Nazirliyinə bir neçə öhdəlik tapşırılıb:
Gürcüstan Prezidentinə və Parlamentinə bu razılaşmanın bağlandığı barədə məlumat vermək;
Çin tərəfini Gürcüstan tərəfindən razılaşmanın qüvvəyə minməsi üçün zəruri daxili dövlət prosedurlarının başa çatması barədə rəsmi şəkildə məlumatlandırmaq.
Qeyd olunan sənəd Gürcüstanın Baş naziri İrakli Kobaxidze tərəfindən imzalanıb.
