Daxili İşlər Nazirliyində kadr dəyişiklikləri baş verdi

Gürcüstanın Daxili İşlər Nazirliyində genişmiqyaslı kadr dəyişiklikləri həyata keçirilib. Nazirliyin yaydığı rəsmi məlumata görə, dəyişikliklər sistemin daha da gücləndirilməsi və inkişafını məqsəd edir.

Yenidən təyinatlara əsasən:

Mərkəzi Kriminal Polis Departamentinin direktoru Teimuraz Kupatadze Mühafizə Polisi Departamentinin rəhbəri vəzifəsinə təyin olunub;

Mərkəzi Kriminal Polis Departamentinin yeni direktoru həmin departamentin direktor müavini David Kiknadze olub;

Tbilisi Polis Departamentinin direktoru vəzifəsinə Vaja Siradze təyin edilib;

Tbilisi Polis Departamentinin direktor müavini Levan Maisuradze Patrul Polisi Departamentinin direktoru olub;

Tbilisi Polis Departamentinin direktoru Laşa Qogniashvili Kaxeti Polis Departamentinin rəhbəri vəzifəsinə keçirilib;

Kaxeti Polis Departamentinin direktoru Teimuraz Kalandadze Mtsxeta-Mtianeti Polis Departamentinə rəhbər təyin edilib;

Kvemo Kartli Polis Departamentinin yeni direktoru Levan Kvitsiani olub;

Kvemo Kartli Polis Departamentinin sabiq rəhbəri Quram Natsvlişvili Samtsxe-Cavaxeti Polis Departamentinə rəhbər göndərilib;

Samtsxe-Cavaxeti Polis Departamentinin rəhbəri Ramaz Tataraşvili İmereti Polis Departamentinin direktoru olub;

İmereti Polis Departamentinin direktoru Zaza Tsxakaia Quria Polis Departamentinə təyin olunub;

Şida Kartli Polis Departamentinə Tbilisi Polis Departamentinin direktor müavini Kaxaber Muradaşvili rəhbərlik edəcək.

Nazirlikdən bildirilib ki, bu dəyişikliklər hüquq-mühafizə sisteminin təkmilləşdirilməsi və daha effektiv fəaliyyət üçün həyata keçirilib.