Kobaxidze: Ümid edirəm ki, Tramp "Dərin dövlət" i zəiflədəcək və bu, ABŞ və Aİ ilə Gürcüstanın münasibətlərinin yaxşılaşdırılmasına müsbət təsir göstərəcək
Gürcüstan uzun illərdir xarici maliyyələşdirilən QHT-lərin və medianın dezinformasiyasına qarşı mübarizə aparır – bu təşkilatlar inkişafın yox, dəyərlərimizin dəyişdirilməsinin xidmətindədir.
InterPress.ge xəbər verir ki, bu sözləri İrakli Kobaxidze Budapeştdə keçirilən Mühafizəkar Siyasi Fəaliyyət Konfransında (CPAC) çıxış edərkən deyib.
Baş nazirin sözlərinə görə, dünya sülhünün pozulması, digər ölkələrin daxili işlərinə müdaxilə, milli və dini kimliklərlə mübarizə, gender və LGBT təbliğatı, ailə dəyərlərinin məhdudlaşdırılmasına cəhd, medianın azadlığının qlobal şəkildə pozulması və senzura, liberal faşizm – bütün bunlar bir mərkəzdən koordinasiya olunur.
“Gürcüstan suverenliyin müdafiəsi və QHT-lərin şəffaflığını təmin edən təşəbbüs irəli sürdüyündə, buna təhdid və sanksiyalarla cavab verdilər – yalnız ona görə ki, cəsarət etdik və dedik: “Gürcüstanı qoruyaq. Gürcüstan özü qərar versin”. Bütün bu narahatedici hadisələr – dünya sülhünün pozulması, digər ölkələrin daxili işlərinə müdaxilə, milli və dini kimliklərlə mübarizə, gender və LGBT təbliğatı, ailə dəyərlərinin məhdudlaşdırılmasına cəhd, medianın azadlığının pozulması və senzura, liberal faşizm – bir mərkəzdən idarə olunur. Biz bu mərkəzi 2022-ci ildən “qlobal müharibə partiyası” adlandırırıq, ABŞ-ın yeni administrasiyası isə ona "Dərin dövlət" deyir”, – deyə Kobaxidze bildirib.
Baş nazir vurğulayıb ki, ABŞ-ın keçmiş prezidenti Tramp və onun administrasiyası Deep State-ə qarşı mübarizə elan etdilər. ABŞ-ın xarici müdaxilə vasitələri – USAID və NED – " Dərin dövlət" (Deep State) vasitəsilə Gürcüstanda son dörd ildə dörd inqilab təşkil etməyə cəhd edirdi, lakin yeni administrasiya tərəfindən ləğv edilib. Yeni administrasiyanın bəyanatları və konkret addımları ümidvericidir, amma kifayət deyil. "Dərin dövlət " in ABŞ və Avropa bürokratiyasında hələ də dərin köklərinin olduğunu Gürcüstana təzyiqlərin konkret faktları açıq şəkildə göstərir.
“Bunun nümunəsi Avropa Parlamentinin Gürcüstan xalqına qarşı qəbul etdiyi 6 ədalətsiz qətnamədir. Eyni zamanda, ABŞ Konqresinin Nümayəndələr Palatası tərəfindən qəbul edilən “Dostluq Aktı” adlanan qanun layihəsi də ədalətsizdir və Gürcüstan xalqına qarşı hücumdur. Ümid edirəm ki, prezident Tramp "Dərin dövlət" i zəiflədə biləcək və bu, ABŞ və Avropa İttifaqı ilə Gürcüstanın münasibətlərinin yaxşılaşdırılmasına mütləq müsbət təsir göstərəcək. Yeni administrasiyaya bu vacib mübarizədə uğurlar arzulayıram.
Sonda onu demək istəyirəm ki, radikal sol liberalizmin və "Dərin dövlət"-in təsirinə qarşı möhkəm dayanan, milli suverenliyi, ənənəvi dəyərləri və xalqın iradəsini qoruyan bütün dünya liderlərinə uğurlar və hər şeyin ən yaxşısını arzulayıram”, – deyə baş nazir Kobaxidze qeyd edib.
