İrakli Kobaxidze: “Vaxtanq Qomelauri dövlətin sadiq və ləyaqətli naziri olub”

Baş nazir İrakli Kobaxidze daxili işlər naziri vəzifəsindən istefa verən Vaxtanq Qomelaurini xüsusi xidmətlərinə görə təşəkkür edib.

InterPress.ge xəbər verir ki, onun sözlərinə görə, Qomelauirinin rolu Gürcüstanda dörd dəfə inqilab cəhdlərinin qarşısının alınmasında xüsusilə əhəmiyyətli olub.

“Vaxtanq Qomelauri bu qərarı özü qəbul etdi. Bir neçə gün əvvəl bizə müraciət etdi və komandamız onun qərarını anlayışla qarşıladı. O, ən uzunmüddətli nazir idi – 10 ildən çox daxili işlər naziri, dövlət təhlükəsizliyi xidmətinin rəhbəri, Gürcüstanın baş nazirinin müavini olub. Bu, asan iş deyil və böyük enerji tələb edir. Buna görə də, ölkədə sakit şəraitdə, özü və ailəsi üçün belə bir qərar qəbul etdi və biz onun xahişini qəbul etdik. Vaxtanq Qomelaurini bu illər ərzində dövlətə sadiq və ləyaqətli xidmətinə görə təşəkkür edirəm. Hamınız bilirsiniz ki, o, çox çətin şəraitdə daxili işlər nazirliyinin rəhbərliyini öz üzərinə götürdü və qısa müddətdə nazirlikdə dəyişiklikləri həyata keçirdi. Bu illər ərzində daxili işlər naziri vəzifəsində yüksək peşəkarlıqla çalışırdı və ölkənin ictimai təhlükəsizliyini təmin edirdi. Xüsusi olaraq qeyd etmək istərdim ki, son 4 ildə Vaxtanq Qomelaurinin dörd dəfə inqilab cəhdlərinin qarşısının alınmasında xüsusi rolu olub və buna görə ona xüsusi təşəkkür düşür. Vaxtanq Qomelauri ləyaqətli insandır. Ona gələcək fəaliyyətində uğurlar arzulayıram. O, bizim dostumuzdur və hər işdə uğurlar diləyirəm”, – deyə Kobaxidze bildirib.

Qeyd edək ki, daxili işlər naziri Vaxtanq Qomelauri bu gün istefa verdiyini açıqlayıb.