Parlament “Xüsusi İstintaq Xidmətinin” ləğvi təşəbbüsünü birinci oxunuşda qəbul edib
Bu gün Gürcüstan parlamenti “Xüsusi İstintaq Xidməti haqqında” qanunun ləğvi və xidmətin fəaliyyətinin dayandırılmasını nəzərdə tutan qanun layihəsini müzakirə edib.
InterPress.ge xəbər verir ki, 88 deputatın səsi ilə yekdilliklə qəbul edilib.
Hakim “Gürcü Arzusu” partiyasının təşəbbüsü ilə təqdim olunan qanun layihəsinə əsasən, “Xüsusi İstintaq Xidməti haqqında” qanun qüvvədən düşmüş hesab ediləcək, xidmət ləğv ediləcək, onun rəhbərinin, birinci müavininin və müavinlərinin vəzifələri isə ləğv olunacaq.
Xidmətin ləğvi ilə bağlı deputatlar vurğulayıblar ki, bu addım xidmətin statusu ilə bağlı mövcud qeyri-müəyyənliyi aradan qaldıracaq və eyni zamanda, müstəqil istintaq aparılmasına şərait yaradacaq.
Xüsusi İstintaq Xidmətinin istintaq səlahiyyətində olan cinayət işləri isə prokurorluğa veriləcək.
