Almaniya səfiri: Gürcü dostlarımızı Müstəqillik Günü münasibətilə təbrik edirik

"Bizim gürcü dostlarımızı Müstəqillik Günü münasibətilə təbrik edirik! Gürcülər öz ölkələrində müstəqillik, azadlıq və demokratiya uğrunda daim yorulmadan çalışıblar".

InterPress.ge xəbər verir ki, bu barədə Almaniyanın Gürcüstandakı səfiri Peter Fischer sosial şəbəkə X-də yazıb.

Onun sözlərinə görə, Avropa gürcülərin yanındadır.

“Biz bu sarsılmaz sədaqətə hörmətlə yanaşırıq və heyran qalırıq. Almaniya və Avropa sizin yanınızdadır. Yaşasın Gürcüstan”, – səfir qeyd edib.

Xatırladaq ki, Gürcüstan Müstəqillik Gününü qeyd edir. Gürcüstanın dövlət müstəqilliyi 1918-ci il mayın 26-da elan olunub.