Bu ilin ilk 3 ayında 15,7 min yol-nəqliyyat hadisəsi baş verib

Bu ilin birinci rübündə ölkə üzrə ümumilikdə 15731 yol-nəqliyyat hadisəsi baş verib.

InterPress.ge xəbər verir ki, Daxili İşlər Nazirliyinin açıqladığı statistik məlumatlara görə, onlardan 14371-i İnzibati Xətalar Məcəlləsinin, 1360-ı isə Cinayət Məcəlləsinin müvafiq maddələrinə aiddir.

Nəticədə bu ilin 3 ayında 112 nəfər ölüb, 1763 nəfər xəsarət alıb. 

Daxili İşlər Nazirliyinin məlumatına görə, ən çox yol qəzası, 61%-i Tbilisidə baş verib. Paytaxt ölümcüllük baxımından da “liderlik edir”.

Daha dəqiq desək, 3 ayda həm Cinayət, həm də İnzibati Xətalar məcəllələrinə əsasən yol-nəqliyyat hadisələrinin ümumi sayı bölgələr üzrə aşağıdakı kimi bölünür:

Tbilisi - 9634 hal , 28 ölüm

Acarıstan - 1448 hal, 10 ölüm

İmereti - 1069 hal, 25 ölüm

Kvemo Kartli - 554 hal, 19 ölüm

Mtsxeta-Mtianeti - 552 hal, 5 ölüm

Şida Kartli - 538 hal, 4 ölüm

Sameqrelo-Zemo Svaneti - 533 hal, 7 ölüm

Kaxeti - 468 hal, 7 ölüm

Samtsxe-Cavaxeti - 316 hal, 2 ölüm

Quriya - 189 hal, 5 ölüm

Raça-Leçxumi və Aşağı Svaneti - 32 hal.

Bundan başqa, faciə ilə nəticələnən yol-nəqliyyat hadisələrinin 31-i piyadaların yolu keçmə qaydalarını pozması, 26-sı müəyyən edilmiş sürət həddinin aşılması, 25-i qarşıdan gələn zolağa çıxma və ya ötmə qaydalarını pozma, 21-i dönmə, 15-i sərxoş vəziyyətdə avtomobil idarə etmə, 9-u isə təhlükəsiz məsafənin qorunmaması səbəbindən baş verib.