Litva Gürcüstanın diplomatik və xidməti pasport sahibləri üçün vizasız rejimi ləğv etdi

Litva Gürcüstan vətəndaşlarına aid olan diplomatik və xidməti pasportlar üçün vizasız rejimi ləğv edib.

InterPress.ge xəbər verir ki, bu  barədə “Delfi” agentliyi məlumat yayıb.

Məlumata görə, Litva hökuməti müvafiq qərarı 21 may tarixində qəbul edib. Hökumət Litva Xarici İşlər Nazirliyinə göstəriş verib ki, qəbul edilmiş qərar beş iş günü ərzində Avropa Komissiyasına və Avropa İttifaqının digər üzv dövlətlərinə bildirilsin.

Xatırladaq ki, bundan əvvəl Estoniya da 8 may tarixində Gürcüstanın diplomatik pasport sahibləri üçün vizasız rejimi ləğv etmişdi.