Bizimlə əlaqəHaqqımızda—
Ən son:
TVCANLI

Siqarilla məhsullarına standartlaşdırılmış qablaşdırma tələbləri tətbiq olunmayacaq

431
Siqarilla məhsullarına standartlaşdırılmış qablaşdırma tələbləri tətbiq olunmayacaq
Dinləmək üçün basın

Parlamentə təqdim olunmuş yeni qanun layihəsinə əsasən, “Tütün məhsullarının nəzarəti haqqında” qanuna dəyişiklik ediləcək və qəbul olunduğu halda siqaretə aid olan tənzimləmələr siqarillaya da şamil olunacaq. Lakin…

Parlamentə təqdim olunmuş yeni qanun layihəsinə əsasən, “Tütün məhsullarının nəzarəti haqqında” qanuna dəyişiklik ediləcək və qəbul olunduğu halda siqaretə aid olan tənzimləmələr siqarillaya da şamil olunacaq. Lakin siqarilla üçün tütün məhsullarının qablaşdırılmasının standartlaşdırılması tələbi məcburi olmayacaq.

InterPress.ge xəbər verir ki, qanun layihəsi “Gürcü Arzusu” fraksiyasının deputatları tərəfindən hazırlanıb.

Təşəbbüs müəlliflərinin izahına görə, digər tütün məhsullarından fərqli olaraq, siqarilla əsasən əl ilə hazırlanır və onun qablaşdırılmasına standartlaşdırılmış tələblərin tətbiqi texniki baxımdan çətindir.

Qeyd olunur ki, fərdi nişanların qablaşdırmada əks etdirilməsi məhsulun qablaşdırma keyfiyyətinə zərər verə bilər. Bundan əlavə, siqar və siqarilla istehsalçıları adətən eyni şirkətlərdir və onların istehsal texnologiyası, daxili tərkibi, xammalı və görünüşü eynidir – yalnız ölçü və çəki fərqlidir. Bu səbəbdən istehsalçılar üçün siqar və siqarillanı fərqli qablaşdırma standartları ilə istehsal etmək çətindir.

Qanun layihəsində vurğulanır ki, siqarilla standart tütün məhsulu deyil və qiymətinə və özünəməxsus xüsusiyyətlərinə görə lüks istehlak məhsulu hesab olunur. Beləliklə, siqaret kimi geniş istifadə olunan tütün məhsullarına qarşı tətbiq edilən standartlaşdırma tələbləri siqarillaya tətbiq edildikdə, bu, onun idxalı və satışında qeyri-proporsional çətinliklərə səbəb ola bilər.

Qeyd edilir ki, siqarilla kütləvi istehlak məhsulu deyil və onun istifadəçiləri əsasən məhdud, spesifik bir qrupu təşkil edir. Buna görə də, siqarilla məhsullarının qablaşdırılması ilə bağlı mövcud qanuni tənzimləmələrin bu məhsula da eyni şəkildə tətbiq olunması məqsədəuyğun hesab edilmir.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribGürcüstanda iribuynuzlu mal-qara və donuzların sayı son 20 ilin minimumuna düşübDünya bazarında qızıl və gümüş ucuzlaşmaqda davam edirSon xəbərlərə bax →