Peskov: Bu gün Putin və Tramp arasında telefon danışığı olacaq

Rusiya prezidenti Vladimir Putin və ABŞ-ın keçmiş prezidenti Donald Tramp arasında telefon danışığı bu gün Moskva vaxtı ilə saat 17:00-da baş tutacaq.

InterPress.ge xəbər verir ki, bu barədə Kremlin sözçüsü Dmitri Peskov bildirib.

"Beşdə Tramp ilə telefon danışığı olacaq. Tramp bunu əvvəlki gün artıq bəyan etmişdi. Təbii ki, İstanbulda keçirilmiş danışıqları nəzərə alaraq, bu danışıq əhəmiyyətlidir”, – deyə Peskov bildirib.

Onun sözlərinə görə, telefon danışığının nəticələri sonradan açıqlanacaq.

Peskov əlavə edib ki, Putin və Tramp arasında mümkün görüş prezidentlərin şəxsi razılaşmasından asılıdır:

“Bu barədə qərarı hər iki prezident qəbul edir. İstənilən halda, prezidentlərin görüşü məhsuldar olmalıdır, lakin bu, yalnız yaxşı hazırlanacağı təqdirdə effektiv ola bilər”, – deyə o qeyd edib.

Peskovun sözlərinə görə, Rusiya “xüsusi hərbi əməliyyatın” məqsədlərinə nail olacaq, lakin bu məqsədlərə siyasi-diplomatik yollarla çatmaq daha arzuolunandır.