ABŞ-ın sabiq prezidenti Co Baydendə xərçəng aşkarlanıb

ABŞ-ın keçmiş prezidenti Co Baydendə xərçəng xəstəliyi aşkarlanıb.

InterPress.ge xəbər verir ki, bu barədə onun ofisi rəsmi bəyanat yayıb.

Bildirilib ki, Baydendə ağır dərəcəli, aqressiv formada prostat xərçəngi diaqnozu qoyulub.

“Cümə günü ona 9 ballıq (5-ci dərəcəli qrup) prostat xərçəngi diaqnozu qoyuldu. Xəstəlik sümüyə metastaz verib. Baxmayaraq ki, bu, xəstəliyin daha aqressiv formasını göstərir, xərçəng hormonlara həssasdır və bu, onun effektiv idarə olunmasına imkan yaradır”, – deyə bəyanatda qeyd olunur.