Tbilisidə gənc oğlan qətlə yetirilib

Tbilisidə yerləşən “Ratis Bar”da qətl hadisəsi baş verib.

InterPress.ge xəbər verir ki, ilkin məlumata görə, 30 yaşına qədər olan gənc kişi soyuq silahla qətlə yetirilib.

Hadisə bu gün səhər saatlarında qeydə alınıb. Hazırda hadisə yerində ekspert-kriminalistlər işləyir, ərazi xüsusi sarı lentlə mühasirəyə alınıb.

Gürcüstanın Daxili İşlər Nazirliyinin verdiyi məlumata görə, faktla bağlı araşdırma Cinayət Məcəlləsinin 108-ci maddəsi – qəsdən adam öldürmə ilə başlanıb. Hadisə yerində istintaq hərəkətləri aparılır.

Mövcud məlumata əsasən, cinayətdə şübhəli bilinən şəxs artıq saxlanılıb. Məlumatın rəsmi təsdiqi üçün “InterPressNews” DİN-lə əlavə əlaqə saxlayır.