İrakli Kobaxidze: “Martda iqtisadi artım 9% təşkil edib”

2025-ci ilin mart ayında ölkədə iqtisadi artım 9% olub və birinci rübün ümumi göstəricisi 9,3% təşkil edib.

InterPress.ge xəbər verir ki, bu barədə Gürcüstanın Baş naziri İrakli Kobaxidze hökumətin iclasında bildirib.

Onun sözlərinə görə, bu dövrdə vergi gəlirləri planı 120 milyon lari artıq icra olunub ki, bu da iqtisadi artımın nəticəsidir.

“Dünən Statistik Xidmətin məlumatları dərc olundu. Mart ayında iqtisadi artım 9% təşkil etdi və birinci rüb üzrə ümumi göstərici 9,3% oldu. Eyni zamanda, birinci rübdə vergi gəlirləri planı 120 milyon lari artıq icra olunub. Bu, iqtisadi artımın nəticəsidir. Bunun üçün iqtisadi komanda üzvlərinə təşəkkürümü bildirirəm. Bizim əsas prioritetlərimizdən biri ölkənin iqtisadi inkişafını təmin etməkdir. Bu istiqamətdə hələ çox iş görülməlidir. İqtisadi artımı daha da sürətləndirmək üçün işimizi davam etdirəcəyik,” – deyə Kobaxidze vurğulayıb.

Baş nazir qeyd edib ki, turizm sahəsində də müsbət göstəricilər müşahidə olunur. Onun sözlərinə görə, beynəlxalq ziyarətçilərin xərcləri bu ilin birinci rübündə ötən ilin eyni dövrü ilə müqayisədə 8,3% artıb.

“Turizm iqtisadiyyatın mühüm sahəsidir və bununla yanaşı, iqtisadiyyatın necə işlədiyini göstərən bir sahədir. Şadam ki, bu sektorda da müsbət dinamika müşahidə olunur,” – deyə Kobaxidze əlavə edib.