7 may “Gürcü Arzusu” partiyasının qurultayı keçiriləcək

Hakim “Gürcü Arzusu” partiyasının siyasi şurasının qərarına əsasən, partiyanın növbəti qurultayı 7 may tarixində keçiriləcək.

InterPress.ge xəbər verir ki, bu barədə partiyanın yaydığı rəsmi bəyanatda əks olunub.

Bəyanata görə, qurultayda partiyanın yeni sədrinin seçilməsi və siyasi şuranın tərkibinin yenilənməsi nəzərdə tutulur. Hazırkı mərhələdə partiya sədrliyinə kimin namizədliyi irəli sürüləcəyi barədə məlumat verilmir.

Qeyd edək ki, partiyanın indiki sədri İrakli Ğaribaşvili 25 aprel tarixində həm partiya rəhbərliyindən, həm də ümumilikdə siyasətdən getdiyini açıqlamışdı.