Tbilisidəki Vaqzal bazarında baş vermiş yanğın söndürülüb

Tbilisidə Vaqzal bazarının ərazisində səhər saatlarında başlayan yanğın tamamilə söndürülüb.

InterPress.ge xəbər verir ki, bu barədə Fövqəladə Halların İdarəetmə Xidməti məlumat yayıb.

Hadisə yerində hələ də yanğınsöndürən-xilasedici qruplar işləyir, əraziyə polis də cəlb olunub.

Satıcıların sözlərinə görə, yanğın səhər saat 06:00 radələrində başlayıb və qısa müddətdə geniş əraziyə yayılıb. Onların verdiyi məlumata əsasən, ticarət sahəsində yerləşən anbarlar yanıb – burada ikinci əl geyimlər, meyvə-tərəvəz və müxtəlif növ məhsullar saxlanılırdı.

Yanğının başvermə səbəbi hələlik məlum deyil.