Bizimlə əlaqəHaqqımızda—
Ən son:
TVCANLI

Şalva Papuaşvili: “Aparılan axtarışlar qanuni prosedurlar çərçivəsində həyata keçirilir”

193
Şalva Papuaşvili: “Aparılan axtarışlar qanuni prosedurlar çərçivəsində həyata keçirilir”
Dinləmək üçün basın

Gürcüstan Parlamentinin sədri Şalva Papuaşvili “Nana Fondunun” təsisçisi Nanuka Jorjoliani və bir neçə vətəndaş fəalın evlərində keçirilən axtarışlara münasibət bildirib.

Gürcüstan Parlamentinin sədri Şalva Papuaşvili “Nana Fondunun” təsisçisi Nanuka Jorjoliani və bir neçə vətəndaş fəalın evlərində keçirilən axtarışlara münasibət bildirib.

InterPress.ge xəbər verir ki, onun sözlərinə görə, bu, Gürcüstan Prokurorluğunun istintaq çərçivəsində həyata keçirdiyi qanuni prosedurdur:

“Kim tərəfindən aparıldığını bilmirəm, amma əminəm ki, bütün tədbirlər qanuni əsaslarla həyata keçirilir. Əgər prokurorluq belə istintaq tədbirləri həyata keçirirsə, bu, vətəndaşlara tam təsəvvür yaratmaq üçün lazımdır – nəyin baş verdiyini hər kəs dəqiq bilməlidir.”

Papuaşvili xatırladıb ki, ötən ilin dekabrında Gürcüstan Parlamentinə hücum cəhdi və müxtəlif zorakılıq halları qeydə alınmışdı:

“O zaman da parlamentin yandırılması cəhdi oldu, polislərə qarşı hücumlar oldu. Bütün bunların xaricdən təşviq edildiyi görünürdü. Hüquq-mühafizə orqanları müəyyən partiyaların və qrupların ofislərindən partlayıcı maddələr götürdükdən sonra zorakılıq birdən-birə dayandı.”

Papuaşvili əlavə edib ki, hazırda da ölkədə sabitliyi pozmağa, demokratik olmayan yollarla hakimiyyət dəyişikliyi həyata keçirməyə cəhdlər olur və buna görə də prokurorluq öz fəaliyyətini davam etdirməlidir:

“Xaricdən stabilliyi pozmaq və qeyri-demokratik üsullarla hökuməti dəyişmək cəhdləri açıq görünür. Bu baxımdan, prokurorluq və hüquq-mühafizə orqanları Gürcü xalqına cavab verməli və tam mənzərəni təqdim etməlidirlər.”

Xatırladaq ki, bu gün səhər saatlarında fəal Mariam Bajelidze, “İnsan Hüquqları Evi”nin rəhbəri Aleko Tsqitişvili və “Nana Fondunun” təsisçisi Nanuka Jorjolianinin evlərində prokurorluq orqanları tərəfindən axtarışlar aparılıb. Paralel olaraq, Nanuka Jorjolianinin qızı, fəal Mariam Geguçadzenin evində də axtarışlar həyata keçirilib.

Xəbəri qiymətləndir
Məqalənin müəllifiAysel İsmayılova

Son xəbərlər

Aİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribGürcüstanda iribuynuzlu mal-qara və donuzların sayı son 20 ilin minimumuna düşübDünya bazarında qızıl və gümüş ucuzlaşmaqda davam edirSon xəbərlərə bax →