Şalva Papuaşvili: Gürcüstan ABŞ ilə strateji tərəfdaşlığı yeni səhifədən başlamağa tam hazırdır

"Gürcüstan ABŞ-ın yeni administrasiyası ilə strateji tərəfdaşlığı yeni səhifədən başlamağa tam hazırdır."

InterPress.ge xəbər verir ki, bu barədə Parlamentin sədri Şalva Papuaşvili Gürcüstanın birinci vitse-premyeri Levan Davitaşvilinin ABŞ Dövlət Departamentində keçirdiyi görüşə münasibət bildirərək qeyd edib.

Papuaşvilinin sözlərinə görə, Gürcüstan dəfələrlə sübut edib ki, regionda ABŞ-ın ən etibarlı tərəfdaşıdır.

“Bizim məqsədimiz ABŞ-ın yeni administrasiyasına göstərməkdir ki, Gürcüstan tərəfdən strateji tərəfdaşlığı yeni səhifədən başlamağa tam hazırıq – elə bir tərəfdaşlığa, hansı ki, sadəcə sözlərdən ibarət olmayacaq. Biden administrasiyası dövründə şirin sözlər deyilirdi, amma əməldə Gürcüstan demokratiyasının kökü qazılırdı, Amerikadan maliyyələşən müxtəlif saxtakarlıqlarla. Məhz bu maxinasiyaları Tramp administrasiyası ifşa etmişdi. Biz yeni səhifədən real strateji tərəfdaşlıq təklif edirik. Gürcüstan ABŞ-a nə təklif edə bilər – bunu zaman-zaman göstərmişik. Biz ABŞ-ın regionda ən etibarlı tərəfdaşı olmuşuq və qalırıq,” – deyə Papuaşvili bildirib.

“Qoy keçmişə nəzər salsınlar, gələcək barədə düşünsünlər və qiymətləndirsinlər: biz ABŞ üçün ən etibarlı tərəfdaşıqmı, yoxsa yox?” – deyə o əlavə edib.

ABŞ tərəfindən tətbiq edilən sanksiyalarla bağlı suala cavab olaraq, Papuaşvili qeyd edib ki, “özbaşına və ədalətsiz olan bir şey təbiətdə mövcud olmamalıdır”.

“Belə adlanan sanksiyalar – aprior olaraq ədalətsiz və özbaşınadır. Bu, sadəcə dövlətlərarası münasibətlər prinsiplərinə deyil, insan hüquqlarının əsas anlayışına da ziddir. Ona görə də bu, hansısa şərt yox, özlüyündə bir reallıqdır ki, belə ədalətsizlik mövcud olmamalıdır,” – deyə Papuaşvili bildirib.

ABŞ-da yeni səfir namizədi ilə bağlı suala cavab verən Papuaşvili bildirib ki, “partiyanın artıq səfir namizədi var və proseslər gedir, amma adını açıqlaya bilmir”.