Sinoptiklər hava şəraiti ilə bağlı əhaliyə xəbərdarlıq edir

Milli Ətraf Mühit Agentliyi hava şəraitinin pisləşməsi ilə bağlı əhaliyə xəbərdarlıq edir.

InterPress.ge-nin məlumatına görə, sabahdan etibarən hava şəraiti kəskin dəyişəcək.

“Aprelin 25-də Gürcüstanda fasilələrlə yağış yağacağı, bəzi yerlərdə intensiv olacağı, şimşək çaxacağı, duman olacağı, dolu düşəcəyi, küləyin qısamüddətli güclənəcəyi gözlənilir.

Gözlənilən yağıntılar Gürcüstan çaylarında suyun səviyyəsini əhəmiyyətli dərəcədə artıra bilər, ölkənin dağlıq və yüksək dağlıq ərazilərində sürüşmələrə səbəb ola bilər (təhlükə səviyyəsi ortadır)," - açıqlanan məlumatda deyilir.